Dizionari de Lenghe Furlane

cinture  /-ù-/  cin|tu|re  [AF]

1. s.f. striche di piel, di stofe o di altri materiâl che si met par tignî sù bregons, la cotule o par tignî dongje vistîts:  Tonazzo, intant che si strenzeve la cinture dai bregons, lu cjalà riduçant (Maria Forte, La tiere di Lansing); a distacava ogni not il mac [di clâfs] da la cintura par poâlu sot dal cussin (Novella Cantarutti, Li clâfs)
   Var. cinturie
   Cfr. cinturin , cinturele
   
   1. [TS] sport fasse ornamentâl che e fâs di premi par un campion di pugjilât o ancje di altris sports di contat
   2. [TS] sport tes arts marziâls orientâls, fasse di tele che e siere il chimono e che e segne daûr dal colôr il nivel di preparazion dai atletis
2. s.f. part dal cuarp o dai vistîts che e je parsore dai flancs:  la aghe mi rive a la cinture (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
   Sin. vite , cinturin , cinturele , cinturon
   
   1. [TS] sport tal pugjilât, linie de vite, fin dulà che a rivin i bregons, che e fâs di limit pai colps permetûts, che a puedin jessi dome parsore
3. s.f. viôt cinture di sigurece :  une cjadree cun tantis cinturis e cinturins par leâsi la vite, il cjâf, lis gjambis e lis mans, di no petâ daprûf dal scus sul moment di rivâ te lune (Josef Marchet, Un viaç te lune)
   Sin. cengle
4. s.f. (fig.) zone o struture che e je tor ator di alc o che e à une forme plui o mancul circolâr:  par sintîsi plui sigûrs, lis àn strenzudis adun [lis cjasis] cuntune cinture di muraiis (Pieri Piçul, Ristret de storie da la art furlane I)
   Cfr. corone , zîr , cente

Polirematichis e espressions idiomatichis

• strenzi la cinture loc.v.
• strenzi un altri boton de cinture loc.v.