cengle
/-è-/
cen|gle
[AF]
-
s.f.
striche di piel, di stofe o di cuarde, che e covente par strenzi, leâ, tignî sù alc:
al si justave la cengle de sclope che i passave su la spadule (Alan Brusini, Il coragjo de sclope);
lu vevin leât parfin, ma une gnot al à rot lis cenglis e al è scjampât pal coridôr (Amedeo Giacomini, Tal ospedâl)
Sin. braçadorie
, coree
-
striche di piel o altri materiâl par tignî sù i bregons:
al tirà sù i bregons e daspò si strenzè la cengle intor i flancs, al spudà tes mans, al alçà il cjapiel fin parsore il cerneli e dibot al tacà il so discors (Tarcisio Venuti, La cjase di Toni)
-
[TS]
mec.
striche di materiâl resistent pe trasmission dal moviment di un motôr:
la moto, une Frera cul tîr a cengle e cui slaifs a çochet che a frenavin sui cerclons, e jere di colôr neri lustri e cui filetuts zâi par bilisie (Roberto Ongaro, Cretevierte)
-
s.f.
(fig.)
ce che al va o che al è tor ator di un alc:
il cjistiel antîc di claps e di piere al veve une cengle di murais (Alan Brusini, Come tai romançs);
[lis animis dai muarts] a i passavin denant e a si disponevin […] tai puescj di una volta a fâ cengla al fogalâr (Novella Cantarutti, Il sâr Menon)
Sin. cente
, cercli
, corone
, dulintor
, fasse
, perifarie
, striche
, suburbi
-
zone ator di une citât:
no si sa ben il parcè, ma chei de Cengle le vevin un tic sù cun nô citadins (Stiefin Morat, Kebar krossè)
Sin. cente
, dulintor
, perifarie
, suburbi
-
s.f.
[TS]
gjeol., sport
rilêf di cret plui o mancul orizontâl tune parêt di mont:
çoris che a svolin ca e là des cenglis di Marianute (Rolando Marini, La piere di Barbe Davide);
ai veva tacât a sparî encja cualche toc di fabricât, tocs di flum e no da pôc, cenglas di crets (Carlo Tolazzi, Las peravalas svualadas via)
Var. cengje
-
(loc.)
zone di tiere in mont:
[la mace di cjastenâr] cressude sù pes cenglis daûr de mont, là che nol trai il soreli e al tire il vint […] (Gianni Sergio Pascoli, La mace di cjastenâr)
Polirematichis e espressions idiomatichis