salût1
sa|lût
[FO]
-
s.f.
cundizion, stât fisic e psichic di un organisim in relazion al fat che al sedi san o malât:
«[…] E tu cemût?» «Di salût nol è mâl. E ancje pal rest no mi lamenti» (Carlo Sgorlon, Prime di sere);
propit no capìs… ma ce ti sucedial? Isal alc che no ti funzione tal lavôr? Âstu problemis di salût? (Stiefin Morat, Kebar krossè)
-
s.f.
buine cundizion fisiche e psichiche di un organisim:
il fum di tabac al è un dai problemis plui grâfs pe salût publiche a nivel mondiâl (Guglielmo Pitzalis, Stude i spagnolets!);
po ben, che Diu jal mereti, che i dei salût… (Pieri Somede dai Marcs, Ursule);
stâ contents, che cuant che e je salût e pâs no si à nissun parcè di lamentâsi (Riedo Pup, Bastarès fâ Nadâl dut l'an)
-
ce che al covente o che al zove par tignî in buinis cundizions il fisic e il spirt:
«A la sô etât, lâ in biciclete e je dome salût» (Carlo Sgorlon, Prime di sere)
-
s.f., inter.
espression gjeneriche di auguri prin di bevi in compagnie:
«[…] bevìn in glorie, pâs e amicizie!»; al alçà la tace berghelant «Salût!» (Tarcisio Venuti, La cjase di Toni);
al alçave une tace di vin cuintri il lusôr di une cjandele tal so biel cesendeli di arint e al diseve: «Ae salût de veretât e nestre!» (Alan Brusini, Come tai romançs)
Sin. bon pro
, brindis
, profacie
, prosit
, vive
-
inter.
espression di auguri gjeneric tal cjatâ cdn.:
sù pe strade di Vendoi, al viodè Nino, […]. I de une man a sburtâ il so biroç. «Salût» dissal il Nino. «Âstu rot il motorin?» «Ma sì, sacrabolt!» (Carlo Sgorlon, Prime di sere)
Sin. vive
-
inter.
espression di auguri gjeneric a cdn. che al stranude
Polirematichis e espressions idiomatichis
Proverbis:
- il plui biel tesaur e je la salût
- il plui grant ben e je la salût e la buine volontât parie
- la salût e à l'aur in bocje
- la salût nol è aur che le pai
- o vin une ale di pâs e une di salût
- salût e je zoventût
- se si à salût si rive a scombati
- si cognòs il valôr de salût co si è malâts