Dizionari de Lenghe Furlane

dâ vite    [AF]

1. loc.v. fâ jessi o fâ sintî vîf:  une sole volte, di zovenute, e veve sintût chel baticûr che al da vite (Maria Forte, Cjase di Dalban)
2. loc.v. fâ jessi plen di moviment:  la strade, cumò, i someave cetant plui maluseriose, cundut che tancj contadins i davin vite e sunsûr (Maria Forte, La tiere di Lansing)
3. loc.v. fâ nassi, jessi autôr, cause o origjin di alc:  no vin di dismenteâ che Aquilee al vûl dî puint fra orient e ocident, crosere di culturis e di sensibilitâts, puart di mâr e di ideis che si messedin e si incrosin par dâ vite a une culture e a une lenghe che e supe il miôr di ce che e sint ator di se (Antoni Beline, Fîs di Aquilee)

Components:

• dâ v.tr., v.intr.
• vite s.f.