Dizionari de Lenghe Furlane

dificoltât  di|fi|col|tât  [FO]

1. s.f. il fat di domandâ sfuarç, fadie, inteligjence, abilitât e v.i. par jessi capît o fat:  [prime di fâ la traduzion dal Infier] si veve di tignî cont la dificoltât de opare a plui nivei, determinade de grande capacitât poetiche di Dante e de complessitât formâl e sostanziâl che il poete florentin al veve dât ae Divine Comedie (Sandri Carrozzo, Note dal curadôr ae traduzion dal Infier di Dante); un altri probleme e jere la dificoltât des comunicazions internis (il centri di control des emergjencis al rivave a comunicâ cu lis scuadris al lavôr cuntun unic telefon par ogni sale di control) (Alessandro Pascolini, Il disastri de centrâl nucleâr di Fukushima Dai-ichi)
2. s.f. robe, situazion e v.i. che e domande sfuarç, fadie, inteligjence, abilitât e v.i. par jessi capît o fat:  fruts tirâts sù cussì a vivevin contents. A cressevin pronts a frontâ e a vignî fûr di ogni dificoltât (Riedo Pup, I furlans e i frutins)
   Sin. afâr , berdei , cantin , complessitât , complicazion , crust , fastidi , gredei , ingredeament , ingredei , intop , intric , naine , ostacul , pastorie , pidiment , probleme , stente , tananai , voluç
3. s.f. basse capacitât di fâ alc:  ducj i fruts a imparin ben la marilenghe, almancul che no vedin une dificoltât specifiche tal imparâ il lengaç (Franc Fari, Il cjâf dai furlans)
   Sin. probleme , fastidi , berdei , gredei , ingredeament , ingredei , intop , ostacul , pidiment , ritart
4. s.f. spec. tal pl., element di oposizion o obiezion:  in cuesture a Udin no i faserin dificoltâts par dâi la licence [di cjace] (Carlo Sgorlon, Prime di sere)
   Sin. cantin , berdei , contrarietât , cuistion , fastidi , intop , obiezion , oposizion , probleme
5. s.f. circostance negative:  [la fradaie] e garantive in vile une forme di assistence intai moments di dificoltât - massime cuant che lis fuarcis dal artesan a levin al mancul par vie de malatie o de vecjaie (Fabian Ros, La invenzion dal stât); che i stessin dongje a pre Checo ce che al jere pussibil, che mi jere parût diferent dal solit e in dificoltât, sedi di salût che di pinsîr (Adrian Cescje, Memoriis di politiche linguistiche)
   Sin. berdei , disfortune , disgracie , sventure
   
   1. situazion di pocje disponibilitât economiche:  [Citolini ] tal 1568 al si cjatà di gnûf in dificoltât e al tornà a suplicâ Elisabete par un sostegn economic (Mario Turello, Il brevet)

Polirematichis e espressions idiomatichis

• fâ dificoltâts loc.v.
• meti in dificoltât loc.v.

Proverbis:

• volontât mangje dificoltât