crust
crust
[CO]
-
s.m.
toc di pan, o in câs ancje di altre robe di mangjâ, crocant o dûr:
"Uu!… Ce bon! E… cjale mo chist bocon culì al è za cuet, a je la corodele. Umm, no la podarès mo mangjâ jo, cun chist crust di pan?" (Dolfo Zorzut, La corodele tradìs sant Pieri)
Sin. crustul
, crostin
, crustin
-
s.m.
cualsisei robe di mangjâ, ancje semplice e scjarse:
al si jeve sù, al torne a poiâsi, al mangje un crust, al va dilunc a bagolâle dut il dì (Laurin Zuan Nardin, Il cop)
Cfr. bocon
, bocjade
, magnocule
-
s.m.
(fig.)
robe o persone dure di frontâ:
no ocorin discors / l'è un crust masse dûr (Toni Broili, La metamorfosi udinese dai 17 Març ai 24 Avrîl 1848)