Dizionari de Lenghe Furlane

ingredei  /-èi/  in|gre|dei  [CO]

1. s.m. grop o grum complicât, disordenât, intrigôs e v.i.:  Basili al scugnive butâ vie ingredeis di filistrins, e un davoi di seadure, zes di prese, peçots (Carlo Sgorlon, Il dolfin); cetant che o gjoldevi a sintî la sô man lizere che si faseve strade framieç dal ingredei de mê cjavelade (Gianni Gregoricchio, Trê feminis)
   Sin. garbui , berdei , grop , imberdei , gredei , intric , involuç , voluç , imbroi
   Var. ingherdei
2. s.m. (fig.) situazion, discors, concet e v.i. complicât e confusionât:  oh, jo o sarès intrigade a disbredeâmi di chel ingredei [di fats storics] che al è ca. Di ce aial di tignî cont un che al scrîf? (Alviero Negro, Strumîrs e Çambarlans); une vôs diferente, che no spissulave dal cûr e che pûr e jere dongje, le veve fate discjoli dal so ingredei di pinsîrs (Franca Mainardis, A ôr dal flum)
   Sin. diauleç , garbui , gredeade , grop , imberdei , gredei , intric , involuç , pastiç , pastiel , petule , imbroi , berdei , casin , bordel
3. s.m. situazion o fat contrari e dificil di passâ, che al met in dificoltât:  intant vevi lassât impastanâts / i puars convidâts; / o fasei lis mês scusis, e ur disei / che eri in chest ingredei, / che mi varessin fat servizi grant / a dâ une man (Pieri Çorut, Il gustâ)
   Sin. casin , clotie , cuistion , fastidi , grane¹ , imbroi , impaç , inconvenient , gredei , intrigatori , lambic , malan , malore , mateç , naine , pastiç , rogne , secjade , vuai , cantin , impediment , pastorie , ostacul , pidiment , complicazion , imberdei , berdei , garbui