voluç
/-ùç/
vo|luç
[AF]
-
s.m.
cuantitât di fîl o sim. fate sù, soredut in maniere pôc ordenade
Sin. involuç
Var. guluç
-
s.m.
cuantitât di robe fate sù in se stesse o cun alc che le ten dongje o le cuvierç:
biel planc, poiât il voluç sui zenoi, al veve disgropât il spali e disvoluçade la cjarte (Franca Mainardis, Grivôr)
Sin. involuç
Cfr. pac
, pacut
-
ce che al da dongje o che al cuvierç alc altri:
Jole mi veve contadis tantis flabis diviersis sul mût che a nassin i fruts. […] A vignivin jù pal cjamìn, intun voluç blanc di peçots (Carlo Sgorlon, Il dolfin)
-
s.m.
[TS]
gastr.
preparazion di diviers ingredients, pal plui cjar o verduris, fate sù intor di se stesse o tun alc che le siere, tant che une fuee, une fete di cjar, une paste sfueade e v.i.:
voluç di brocul e rîs: sbuentait lis fueis di brocul e meteitlis sul taîr. Cuant che vês fat un risot in aghe e lat, cuinçât magari cun cualchi minuç di formadi e di salam, metint une buine sedon par fuee, involuçait, leait e saurît biel planc cu la conserve di pomodoro (Emilia Baldassarre, Ort e cusine)
Sin. involuç
-
s.m.
(fig.)
robe materiâl o imateriâl complesse, complicade, ancje confusionade:
Laurinç si sintì jentrâ a planc tun voluç di ricuarts (Agnul di Spere, Un sorbet di limon);
a stan sù su la inconsistence des premessis e a son un voluç di banalitâts (Adrian Cescje, Memoriis di politiche linguistiche)
Sin. garbui
, grop
, imberdei
, ingredei
, intric
, involuç
, imbroi
, gredei
, berdei
-
s.m.
situazion o fat contrari e dificil di passâ, che al met in dificoltât:
ducj, te vite, ce plui ce mancul, si à vûts moments dificii, situazions ingredeadis, voluçs (Pieri Menis, Il «miracul» di un ûf)
Sin. casin
, cuistion
, fastidi
, grane1
, imbroi
, impaç
, inconvenient
, ingredei
, intrigatori
, lambic
, malan
, malore
, naine
, pastiç
, rogne
, secjade
, vuai
, cantin
, impediment
, pastorie
, ostacul
, pidiment
, complicazion
, imberdei
, gredei
, berdei