malore
/-ò-/
ma|lo|re
[AF]
-
s.f.
destin contrari, sorte di fuarce sorenaturâl che e puarte fats o situazions negativis:
la plui viele e jere la plui fuarte: chê che no colave a ogni colp di malore (Maria Forte, Cjase di Dalban)
Sin. disgracie
, sfortune
, disfortune
-
ancje in imprecazions cuintri de fortune contrarie:
ju vevin scartâts ad in plen. «Porche malore, pecjât» a disevin lôr (Alan Brusini, Chei di Cjasarse)
-
s.f.
situazion disgraciade:
vevino miôr di viodilu a imbeverâsi cul so tuessin e restâ infossât te sô malore? (Maria Forte, La tiere di Lansing);
subit e tornave a fevelâ dai matrimonis des fiis. Un soredut al jere une malore (Carlo Sgorlon, Prime di sere)
Sin. disgracie
, sfortune
, disfortune
, casin
, bordel
, berdei
, gredei
-
s.f.
fat no spietât e negatîf:
cuant che si è masse contents e je la volte che e capite une malore (Arturo Feruglio, Viaç a Vignesie);
la vita di Rigjina strapunzuda di fadia, di malori, di disdegns (Novella Cantarutti, Il curtîf dai Cocs)
Sin. berdei
, intop
, malan
, naine
, pastiç
, tananai
, disgracie
, sfortune
, disfortune
, casin
, bordel
, gredei
, probleme
, dificoltât
, cuistion
, fastidi
-
s.f.
robe o persone che e puarte ae ruvine, che e je cause di disgracie:
jal ai dite tantis voltis che il vin i fâs mâl, che al è la malore de cjase (Pieri Somede dai Marcs, Al fresc)
Sin. disgracie
, ruvine
, maledizion
, danazion
Polirematichis e espressions idiomatichis
Proverbis:
- i bogns bocons a tirin in malore
- il mâl de piere al pare in malore