Dizionari de Lenghe Furlane

berdei  /-èi/  ber|dei  [AF]

1. s.m. grop o grum complicât, disordenât, intrigôs e v.i.:  ur racomandà di platâsi parsore di un palc, sot dai trâfs, jenfri grovis e berdeis di ferace inrusinide (Maria Forte, Cjase di Dalban); a son plombâts jù dal cjamin sul paviment dal tunel cun dute la armadure. A jerin lis dôs, e prin di sere no vevin ancjemò no finît di tirâju fûr dal berdei di materiâl (Agnul di Spere, Fieste di inaugurazion)
   Sin. garbui , gredei , grop , imberdei , ingredei , intric , involuç , voluç , imbroi
   Var. bredei
2. s.m. (fig.) situazion, discors, concet e v.i. complicât e confusionât:  lis cuistions plui minudis a deventin berdeis, i afaruts di aministrazion ordenarie a dismovin davois sore davois (Josef Marchet, Barufis); esemplâr di rincobeât çondarôs bon nome di meti in pins berdeis che no puartin di nissune bande (Stiefin Morat, Donald dal Tiliment)
   Sin. diauleç , garbui , gredeade , grop , imberdei , ingredei , intric , involuç , pastiç , pastiel , petule , imbroi , gredei , casin , bordel
3. s.m. situazion o fat contrari e dificil di passâ, che al met in dificoltât:  insome fastidis fin vonde par un om malât e no usât ai berdeis de vite che a risultin tes cumbinis (Alan Brusini, Come tai romançs); pussibil che intun paîs di cent e passe fameis […] nol sei pussibil cjatâ il cjaveç di un berdei di cheste fate! (Josef Marchet, Lis predicjis dal muini); no tu vignarâs fûr ancje tu a meti berdeis! (Pieri Menis, Il fiâr dal plevan)
   Sin. casin , clotie , cuistion , fastidi , grane¹ , imbroi , impaç , inconvenient , ingredei , intrigatori , lambic , malan , malore , mateç , naine , pastiç , rogne , secjade , vuai , cantin , impediment , pastorie , ostacul , pidiment , complicazion , imberdei , gredei
4. s.m. (fig.) sensazion di vergogne, di sudizion, di dificoltât psicologjiche o relazionâl cun chei altris:  me gjoldei cuntune ponte di malizie bonarie a viodi il berdei dal vieli comissari politic partigjan Mario Licêr, cuant che i capità di intervignî a dî la sô in fat di tutele des minorancis (Adrian Cescje, Memoriis di politiche linguistiche)
   Sin. intric , sudizion , imberdei