mateç
/-èç/
ma|teç
[AF]
-
s.m.
robe dite o fate par ridi, par scherçâ:
ce strenziment di cûr… Mi pareve di jessi sôl sôl, ne i mateçs dai fruts, ne lis cjarecis di cualchi mestri e podevin consolâmi (Pieri Somede dai Marcs, O mi ricuardi);
Pieri al ste un biel toc a scoltâ i mateçs e lis barzaletis di chei gnûfs cognossints (Amedeo Giacomini, Tal ospedâl)
Sin. gjeromete
, scherç
, zûc
-
robe dite o fate par cjoli vie, par burlâ:
cualchi botonade o un mateç, plui o mancul inocent, nol mancjave fra amîs (Maria Forte, Cjase di Dalban)
Sin. burle
, burlade
-
s.m.
robe fate par divertîsi:
vô là jù, Mariute di Bet, che no veis stât ne a balâ ne a fâ mateçs, ma o veis tribulât di fantate a tirâ sù i fradis plui piçui che vuestre mari e veve lassâts vuarfins, […] la vaîso la zoventût sacrificade? (Josef Marchet, Lis predicjis dal muini)
Sin. sbaldiment
, divertiment
-
s.m.
(fig.)
fat stramp o dificil di previodi, che al somee che al sucedi par burlâ:
al mude parfin il paisaç. No covente nancje spietâ cetant timp: un mateç dal Tiliment e Mussons e Sant Pauli a restin di chê altre bande cui siei cristians (Franco Marchetta, Madalene)
Sin. camofe
, capriç
, creste
, gjeromete
, matade
, matierie
, menade
, strambade
, tic2
, tîr
-
funzionament no normâl di un imprest, di un orghin, di une facoltât e v.i.:
Nocent [a vore lontan] al tignive dûr e se nol podeve durmî al pensave a cjase. A voltis lis orelis i fasevin cualchi mateç "Papà!" i pareve di sintî (Maria Forte, "Nossent")
-
s.m.
desideri pretenziôs o mudament di umôr imburît e pôc razionâl:
la funzion regâl e jere regolade duncje dai principis consuetudinaris e […] e veve un rûl di protezion dai sotans "cuintri dai mateçs di chei che a guviernin" (Fabian Ros, La invenzion dal stât)
Sin. camofe
, caprici
-
s.m.
robe pôc serie, di pocje impuartance:
«A Silia a i sta in cour dome da cjantâ.» A pi di un in cjasa a i faseva fastidi, parcè che a era maridada, a disevin, e a faseva stomi a pierdasi in mateçs (Novella Cantarutti, Li sisili da la ava)
Sin. fufigne
-
robe pôc impegnative:
cognossi ben cent e cincuante di lôr dal nestri clan nol è un mateç. Ven a stâi di capî ce che ur plâs, ce che a àn voie di vê, cemût che a rispuindin a la frustrazion e vie indenant (Franc Fari, Il cjâf dai furlans)
-
s.m.
robe problematiche:
[pal çuet che al veve une gjambe di fier] un altri mateç al jere chel di sentâsi suntune cjadree (Riedo Pup, I zimuluts dal Çuet);
il contat al fâs saltâ l'eletric, al sune l'alarme, al è dut un corîr e un mateç no di pôc pai sorestants dal implant (Ivano Urli, Storie di Min)
Sin. rogne
, fastidi
, afâr
, afâr seri
, cuistion
, secjadure