Dizionari de Lenghe Furlane

garbui  /-ùi/  gar|bui  [CO]

1. s.m. grop o grum complicât, disordenât, intrigôs e v.i.:  co i dêts si intopavin intun grop [tai cjavei], e butave fûr une ridadute e e diseve: "Orpo! A 'nd è di garbuis inte code di cheste puiere!" (Gianni Gregoricchio, Trê feminis)
   Sin. gredei , berdei , grop , imberdei , ingredei , intric , involuç , voluç , imbroi
   Var. sgarbui
2. s.m. (fig.) situazion, discors, concet e v.i. complicât e confusionât:  forsi che jentrarà ancje in chês animis / un rai di lûs, si impiarà la lampide / che nus sclarìs il garbui dal destin (Ercole Carletti, Primevere ledrose)
   Sin. diauleç , gredei , gredeade , grop , imberdei , ingredei , intric , involuç , pastiç , pastiel , petule , imbroi , berdei , casin , bordel
3. s.m. situazion o fat contrari e dificil di passâ, che al met in dificoltât:  al veve di fâi part dal so plan diabolic, une salvece – dissal – che ju varès tirâts fûr di chel garbui (Fabian Ros, Un piçul particolâr)
   Sin. casin , clotie , cuistion , fastidi , grane¹ , imbroi , impaç , inconvenient , ingredei , intrigatori , lambic , malan , malore , mateç , naine , pastiç , rogne , secjade , vuai , cantin , impediment , pastorie , ostacul , pidiment , complicazion , imberdei , berdei , gredei