pac
pac
[AF]
-
s.m.
cualsisei robe involuçade di cjarte, plastiche e v.i., dispès leade cun cuardis o flocs, in maniere di restâ dongje e protete dilunc di un traspuart, in dipuesit o ancje di parê bon par un regâl:
la famee e rivà une setemane dopo cuntune sglavinade di mobilie, di pacs e di valîs (Gianni Gregoricchio, Trê feminis);
tun pac leât cul spali, al veve cjatadis lis cjartis des confraternitis dal paîs (Alan Brusini, Par stradis lungjis);
cjartis par fâ pacs di regalâ (Raffaele Serafini, Altris contis di famee)
-
cuantitât, pal solit grande, di robe de stesse sorte, ancje no involuçade:
si sin sentâts intor de taule li che o vevin poiâts i pacs dai modui des firmis (Adrian Cescje, Memoriis di politiche linguistiche);
o scugnìn vê une persone che e fasi dome lis parts di burocrazie pai spetacui, pacs di cjartis par ca! (Christian Romanin, Al è par tornâ il Folkest. Dôs peraulis cun Andrea Del Favero, storic diretôr artistic dal plui impuartant festival folk dal Sud Europe)
-
confezion di un prodot:
mi è bastât dome cjoli un pac vueit di PRINGOLS, e un dôs lints […] voilà! Il mio canocjâl galileian al jere pront! (Checo Tam, Sense)
-
s.m.
(volg., zerg.)
sglonfament tai bregons in corispondence dai gjenitâi masculins:
o ai sintût a partî un sglonfidun che o ai vût pôre che dute la sale dal ristorant mi cjalàs il pac tai bregons (Stefano Gasti, Il poliziot)
