pacut
/-ùt/
pa|cut
[AF]
-
s.m.
viôt pac
-
s.m.
(fig.)
confezion avonde piçule di un cualchi prodot:
e à comprât un fas di autunâi e un pacut di luminuts; e cun cheste robe e à furnide - ma propit ben - la sepulture (Josef Marchet, Lis predicjis dal muini);
intant che Eliseo al beveve biel planc al vignì dentri un altri aventôr […]. Al comandà un pacut di tabac (Carlo Sgorlon, Prime di sere)
Sin. pachet
-
cuantitât di prodot che e je in chê confezion:
fumâ doi pacuts di spagnolets in dì
-
s.m.
cuantitât di robis de stesse sorte dadis dongje:
pre Antoni al finive di bati a machine 33 sfueis: sul devant di chest pacut di cjartis, a mût di cuviertine, al veve scrit a man «Per chi vuol sentire… Riflessioni Pastorali di un Curato di montagna… dopo cena» (Roman Michelot, Riflessions di un predi cjargnel)
Sin. pile
Cfr. pac
, mac
, grum
, tasse1
-
s.m.
ufierte comerciâl che e cjape dentri plui servizis za cumbinâts tra di lôr in maniere di sodisfâ il client e di fâi sparagnâ timp o impegn:
agjenziis di viaç che a ufrissin pacuts turistics di ogni sorte, simpri verts e sostignibii (Stefania Garlatti Costa, Tiliment, il Serengeti de Europe centrâl)
Sin. pachet
-
complès di elements, azions o proviodiments coordenâts:
un pacut di propuestis su la riforme de leç 15 che si profile e che e je tes intenzions de maiorance di centriçampe, massime inte direzion dal insegnament (Adrian Cescje, Memoriis di politiche linguistiche)