pile
pi|le
[AF]
-
s.f.
[BF]
struture verticâl di sostegn:
lis pilis dal puint
Cfr. pilon
, pilastri
-
s.f.
contignidôr di forme plui o mancul semisferiche, in gjenar di piere, par conservâ dentri cierts prodots, massime il gras o l'ont:
a si era sclapada la pila granda e al era zût spandût dut il vueli dibot - tor cincuanta litros - e a erin grams la zent di cjasa, par via dal befel che al varès fat il bisnonu (Novella Cantarutti, Se i tu mi voul, tu mi voul);
al dave un cuc ae pile dal pestât e a lis vasis dal ont e a lis bufulis dal gras (Dino Virgili, La massarie)
-
contignidôr de aghe sante:
si faseve cualchi pas indentri, po si fermavisi a scjas; di pôre di no vê tocjade la aghe sante. Si tornave indaûr par poiâ i dêts te pile frede e impolvarade (Maria Forte, La rive di Sant Pieri)
-
s.f.
contignidôr li che si lavorin cierts grans par pilâju, par gjavâ la scusse
-
implant industriâl li che si lavorin cierts grans par pilâju, par gjavâ la scusse
Sin. pestei
-
s.f.
grum di robis metudis une sore chê altre:
une pile di scjatulis e scjatulons di ogni colôr e grandece (Pieri Menis, Il tesaur di done Cheche)
-
s.f.
[AF, TS]
eletr.
dispositîf che al trasforme la energjie chimiche in energjie eletriche:
[il volt lu àn clamât cussì] par visâsi di Alessandro Volta che al veve inventade le pile (Franco Vigo, Unitâts des misuris)
Sin. batarie
, pile eletriche
-
s.f.
torce eletriche:
al butà la sfilzade tal baûl e, prime di lâ vie, al controlà la sene cul lusôr de pile (Fabian Ros, Un piçul particolâr)
Sin. torce eletriche
, pile eletriche