batarie
/-ì-/
ba|ta|ri|e
[AF]
-
s.f.
schirie di elements metûts in ordin un dongje di chel altri:
sierâ lis bestiis tai cjamps di concentrament: batariis di vidiei un taco l'altri (Riedo Pup, I furlans e lis bestiis);
un implant pe produzion di energjie solâr fat di spiei in batarie fin a trê voltis plui eficients dai panei normâi (Redazion il Diari, Il soreli intun spieli)
Sin. schirie
, serie
, rie
, file1
-
grup complet di imprescj e di pignats di doprâ in cusine:
seglâr di piere, cun batarie di rams, peltri e une staderie (Manlio Michelutti, Il Strolic furlan pal 1990)
Cfr. cogarie
, pignatarie
, servizi
-
s.f.
[TS]
eletr.
aparât di plui elements fat par inmagazenâ e furnî corint eletriche continue:
al furnive corint eletriche ai filaments doprant batariis e une dinamo, duncje in corint continue (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
i vevi scjariât la batarie a la machine di papà a fuarce di scoltâ lis cassetis che al veve (Checo Tam, Joe Tex e Joe Cocker)
Sin. pile
-
s.f.
[TS]
mus.
grup di struments a percussion:
un cuintet straordenari metût insiemi dai impresaris udinês Meroi e Dollinar: Umberto Cesari daûr dal piano, Miro Graziani ae batarie, Riccardo Laudenzi al trombon e al liron, Aldo Masciolini al clarinet e al sax e Walter Notari al violin e vôs dal grup (Angelo Floramo, Cuintristorie dal Nûfcent 1950-1960)
-
s.f.
[TS]
milit.
unitât di artiliarie:
tun moment si sintì a trai un, doi, trê, … colps di canon, po dute une batarie che dal alt di une culine i smirave ae colone (Pieri Menis, Sul agâr)
-
s.f.
(fig., scherç.)
orghin sessuâl dal om:
intor di se, il Cilin al veve dome la cjamese. A ogni invocazion, al alçave i braçs adalt esponint in chê maniere denant di Vera […] dute la batarie (Ivano Urli, Veruska)