complessitât
com|ple|ssi|tât
[AF]
-
s.f.
il jessi componût di plui elements diferents, articolâts o dipendents in cualchi maniere tra di lôr:
al è util e necessari che si analizi la complessitât de situazion de lenghe furlane, che po e je la complessitât des situazions di tantis altris lenghis in cundizions di emargjinazion istituzionâl, sociâl e culturâl (Adrian Cescje, Memoriis di politiche linguistiche);
il sisteme di reazion gjaponês pe sô complessitât struturâl e organizative al compuarte un pericul di ritart tal cjapâ decisions urgjentis (Alessandro Pascolini, Il disastri de centrâl nucleâr di Fukushima Dai-ichi);
si partìs cun frasutis curtis e facilis, di tornâ a scrivi o di completâ par rivâ ben planc a leturis di une cierte consistence e complessitât (Roberta Melchior, Culture pes lidrîs)
-
s.f.
il jessi complès, complicât, dificil:
viodude la complessitât de normative, si rimande ae vuide de Agjenzie des Jentradis, che si pues scjariâ dal so sît (Mariannina Rocco, Finanziarie 2014 e novitâts fiscâls);
se po si pense al fat che su dut l'estuari a esistevin, fra grancj e piçui, un setante fuarts […], si po rindisi cont de complessitât dai impegns di Cavedalis (Giovanni Pillinini, Zuan Batiste Cavedalis - Une vite esemplâr)
Sin. berdei
, dificoltât
, gredei
, imberdei
, intric
, ingredei
, complicazion