secul
/-è-/
se|cul
[FO]
-
s.m.
dade di timp lungje cent agns:
a Colonia Caroya […] a son tancj i zovins pronevôts di emigrants furlans che a plui di un secul de emigrazion origjinarie a capissin e a fevelin cheste lenghe (Max Mauro, Un Friûl difarent: i 90 mhz di Onde Furlane)
-
ognidun dai periodis di cent agns che si contin partint de nassite di Crist:
lis fondis de contabilitât nazionâl a forin stabilidis tai agns Trente dal secul passât, te aree anglosassone (Marzi di Strassolt, Dal Prodot Interni Lort aes misuris dal benstâ);
il '300 in Friûl al è un secul plen di ricjecis (Francesc Placerean, Il nestri sant: patriarcje Bertrant);
il Templi di Zeus (a Olimpie) al fo costruît tal V secul, tra il 470 e il 456 p. di C. (Adrian Cescje, Viaç aes origjins dal Logos)
-
s.m.
(iperb.)
timp une vore lunc o che al somee lunc:
a jerin flabis di secui, e ses lassavin di pari in fi (Dino Virgili, La aghe da pît la cleve);
dulà soiu ca?… tal me paîs, i soi, tal me puartin… i no sai se i soi insumiât o vîf. A mi pâr di essi tornât ca dopu un secul di muart; un secul di lontanansa (Pier Paolo Pasolini, I Turcs tal Friûl);
o ai culì un altri solt. Po! Di cuant incà?… Se no sai di vê tocjât un centesim che al è un secul! (Catarine Percude, Il solt del Signôr)
Sin. agnorums
, eternitât
, vite