eternitât e|ter|ni|tât [CO]
- s.f. cualitât di ce che al è eterni, che al è di simpri e che al dure par simpri, o ancje che al à un principi ma che al dure par simpri: la ombrene dolce dal tei ju cjarine su la muse, ju involuce tune brame di eternitât: l'amôr al è simpri di là dal timp (Dino Virgili, Avôt di amôr a Moruç); il cercli infinît, simbul di eternitât (Barbara Cinausero, Nol è il Nadâl pardut avuâl)
- s.f. timp infinît, o ancje dade di timp che e à un principi ma no une fin, che e va indenant par simpri, dispès in riferiment ae esistence dopo de muart inte concezion cristiane: parcè vevie di patî ancje jê ce che o ai patît jo? Salacor une eternitât cence paradîs e cence infier a sarà miôr di dîs, vincj o cincuante agn ta chest pantan di vite (Carlo Tolazzi, La salamandrie tal fûc); un canâl larc, profont, che al si spalanca davant ai lôr pîts come la muart fra la vita e la eternitât (Federigo Comelli, Il me paîs)
- s.f. (fig., iperb.) timp une vore lunc: "No varai migo di spietâ une eternitât?!" (Domeni Zannier, La crete che no vai); daspò cualchi timp (e sameave une eternitât) il cjapitani de nâf al disè che la nâf no jere stade colpide e che e navigave regolarmentri (Checo Tam, La vuere di Checo)