in persone
[AF]
-
loc.av., loc.adi.inv.
cuntune presince fisiche reâl, no a distance, no par telefon, no par procure e v.i.:
"Va tu, in persona, ti prei; no stâ fidâti di nissun; meniju; digji che jo muri, che jai patît tant, e che mi bastarès di viodiju ancja lôr al me jet, par dismenteâ dut e murî sença dolôr e contenta!" (Federigo Comelli, Il me paîs)
-
loc.adi.inv.
(pleon.)
par rimarcâ la identitât di cdn.:
a son vignûts a savê che la storie de vuere di redenzion e jere une bale: si tratave invezit di une «inutile strage» come che al veve dit il Pape in persone (Riedo Pup, Soldât jo mame!)
-
loc.adi.inv.
par rimarcâ une someance une vore grande:
«Cjale li» i diseve, «tu sês gno nono in persone» (Alan Brusini, Par stradis lungjis)
-
loc.adi.inv.
in espressions che a vuelin dî che une cualitât o carateristiche e cjate une rapresentazion perfete in cdn.:
Milie e jentrà in cjase che i tremavin lis gjambis tant di stentâ a stâ impins; ce dal diambar jerial vignût fûr? … Une fantate di chê sorte?! … Plene di vite, la salût in persone (Pieri Menis, Si disarès che e je inventade);
Marie e jere la bontât in persone (Pieri Somede dai Marcs, Ta la ombrene de canoniche)
Sin. incjarnât
Components: