estension
/-òn/
es|ten|si|on
[AF]
-
s.f.
[BF]
l'estindi, l'estindisi e il lôr risultât:
la estension di un elastic
Sin. dilatazion
, espansion
, slargjament
, slungjament
, sprolungjament
-
s.f.
dimension di alc tal spazi o tal timp o ancje intun cjamp logjic, di competence e v.i.:
il Comun di Sante Marie nol à simpri vude la estension che al à cumò (Laurin Zuan Nardin, Sante Marie, Merêt e Roncjetis);
no si po dî cun sigurece di ce nature e cun ce estension che e fos cheste jurisdizion (Josef Marchet, Cuintristorie dal Friûl fin sot la Italie)
Cfr. lungjece
, largjece
, misure
, grandece
, durade
-
part di spazi, di timp, di ciert cjamp logjic, di competence e v.i.:
dôs toressis cuntune estension di forment intal mieç (Ivano Urli, Storie di Vera)
Cfr. largjure
, superficie
, durade
, dade
, periodi
, cjamp
, ambit
-
s.f.
part, dade di timp, ambit logjic o sim. che si slungje in continuitât rispiet a cdn. o a alc.:
al dopre la ghitare come se e fos une estension dal so cuarp (Checo Tam, Stiefin Wilson)
-
s.f.
aplicazion a alc di gnûf o a un cjamp gnûf o plui larc:
la idee dal "Principi di Ecuivalence" e je une estension dal "Principi di Inerzie" (Sergio Cecotti, Teologjie algjebriche)
-
s.f.
[TS]
mus.
interval tra la note plui alte e chê plui basse che un strument o une vôs a puedin emeti:
al cjante l'arion. / Ce brio! Ce intonazion! / Ce fuarce! Ce estension!… (Pieri Çorut, Il mascalzon);
il tin whistle (feadóg o feadóg stáin par gaelic) […] al è un flaut fat di late o di len e cuntune estension di dôs otavis (Matteo Fogale, Cuant che ancje il strument al è difarent)
-
s.f.
[TS]
inform.
indicadôr che al ven dopo un pont te denominazion di un file, che al segne ce sorte di file che al è:
lis fotografiis a puedin jessi a colôrs o in B/N, in formât digjitâl o analogjic digjitalizât cun estension.jpg o.jpeg (Redazion La Patrie dal Friûl, Prin Concors internazionâl di fotografie "LA (TÔ) PATRIE DAL FRIÛL… INTUN CLICK")
-
s.f.
[TS]
cosm.
zonte di cjavei naturâi o artificiâi che si tachin ai cjavei di une persone