lungjece
/-gjè-/
lun|gje|ce
[AF]
-
s.f.
estension lineâr di alc dal so pont plui indevant a chel plui indaûr:
il Stadi al è une plane retangolâr di 30 metris di largjece e di 192,25 metris o di 600 pîts di lungjece (Adrian Cescje, Viaç aes origjins dal Logos)
Cfr. estension
, dimension
, lunc
-
s.f.
estension di alc intal timp:
tal grant moment dal solstizi, lis zornadis a son ridusudis al lôr minim di lûs e di durade, intant che lis gnots a son ae lôr colme di scûr e di lungjece (Mario Martinis, Il grant lunari dal Friûl. Dicembar)
Sin. durade
-
s.f.
estension, volum di un lavôr o di une opare, soredut scrite, in numar di elements, tant che peraulis, pagjinis o altri:
il test de storie al varà di vê une lungjece di almancul 15 cartelis e al varà di jessi scrit te grafie uficiâl (Fabian Ros, Scrîf un film par furlan)
-
s.f.
[TS]
fon., metr.
cuantitât di une silabe o di une vocâl:
chest sisteme, che al è apressapôc chel di Jacum Pirona, […] al permet di dâ une regule […] che e stabilìs la lungjece des vocâls seont la letare che e ven daûr (Xavier Lamuela, La grafie furlane normalizade);
l'esametri al è un viers cuntun numar variabil di silabis, in gjenerâl tra tredis e disesiet, che si fonde su la nature de lenghe greghe, che e veve la distinzion di lungjece su dutis lis vocâls (Sandri Carrozzo, Pierluigi Visintin, Jentrade de Odissee)
-
s.f.
[TS]
sport
te ipiche, la misure dal cjaval dal music ae code par dî de distance tra un cjaval e chel altri
-
tes garis di machinis, barcjis o altris mieçs, dimension dal distac jenfri doi concorents che e corispuint ae misure dal mieç stes de ponte devant a chê daûr
-
(estens., impropr.)
pont di distac tra doi concorents:
intal 1954-55 l'Udin si bat fin tal ultin cul Milan pal scudet, ma al è secont a cuatri lungjecis dai ros e neris (Redazion Udinese Calcio, Une passion lungje 123 agns)