periodi
/-rì-/
pe|ri|o|di
[AF]
-
s.m.
dade di timp:
Jole no passave un bon periodi, e i agn si fasevin sintî ancje par jê (Carlo Sgorlon, Il dolfin);
il periodi miôr par imparâ une o plui lenghis forestis al è dai doi ai sîs agns (Franc Fari, Il cjâf dai furlans);
chel che al crôt che il cjâf dai furlans al sedi conservadôr e reazionari al varès di studiâ un pôc di plui il periodi che al va dal '50 al '60 (Angelo Floramo, Cuintristorie dal Nûfcent 1950-1960)
Sin. dade
, dade di timp
, timp
, moment
Cfr. epoche
, ere1
, ete
-
s.m.
[TS]
gjeol.
dade di timp dal ordin desenis di milions di agns inte division de storie gjeologjiche e zoologjiche de Tiere, plui curte de ere e plui lungje de epoche:
La origjin dal Cormôr e je de fin dal periodi cuaternari, cuant che lis trê centis morenichis, formadis dal depositâsi dai materiâi di cret sui fronts glaciâi dal Tiliment, a tacavin a jessi segnadis dai flums che a ‘ndi fasevin cori fûr la aghe (AAVV, Udin - Parc dal Cormôr)
-
s.m.
[TS]
gram.
complès di proposizions leadis tra di lôr in unitât:
[la] sintassi dal periodi […] e scrutine lis relazions logjichis che si stabilissin intun periodi tra lis proposizions principâls e secondariis che lu tegnin adun (Fausto Zof, Cors di lenghe furlane)
Sin. frase
-
s.m.
[TS]
mus.
complès organic di frasis musicâls che a davuelzin un motîf unitari
-
s.m.
[TS]
fis., sient.
il timp che i covente a un fenomen par ripetisi cu lis stessis carateristichis:
il grup di ricercje al à rilevât une flutuazion [tal cambiament di velocitât di rotazion de Tiere] cun periodi costant, che e rive tal so pont plui alt ogni sîs agns (Cristina Minuzzo, Gotis di sience 2)
Sin. cicli
-
s.m.
[TS]
astron.
viôt periodi di rivoluzion
-
s.m.
[TS]
mat.
intun numar periodic decimâl, l'insiemi des cifris daspò de virgule che si ripetin intal stes ordin
-
interval di valôrs che une funzion si ripet compagne
-
s.m.
[TS]
chim.
intal sisteme periodic dai elements, serie di elements cun nivei compagns di energjie che a àn un numar atomic in cressite e un numar di eletrons in cressite intal nivel plui esterni
-
s.m.
[TS]
fisiol., med.
cicli di une malatie che si ripet