epoche
/è-/
e|po|che
[AF]
-
s.f.
estension di timp avonde lungje che si rive a individuâ te storie, caraterizade di cierts fats o di ciertis cundizions sociâls o di une cierte lontanance cronologjiche dal presint:
a la epoche di chê grant barufe che fo tra i Strumîrs e i Çamberlans, tal 1511, il cjiscjel al fo une vore ruvinât dal fûc (Bepo Marion, Il cjiscjel di Pramper);
une tradizion che e ven di lontan, da la epoche medievâl (Claudio Romanzin, Il Strolic furlan pal 2014);
sore che la epoche dai incuinaments, la nestre si podarès clamâle la epoche dai rumôrs (Alan Brusini, Amîs come prime)
Sin. ere1
, etât
, ete
, periodi
, dade
Var. epuche
Cfr. volte
, timp
-
timp ancje di dade curte, no di puartade storiche, te vite di une persone, inte parabule di un fenomen, vie pal an, vie pal mês e v.i.:
i vecjos e semenavin i capûs a la fin di Avost; ma semenant a la fin di Fevrâr i capûs promiedis, si àn i prodots a la stesse epoche di chei altris (Emilia Baldassarre, Ort e cusine);
il tribunâl, te sô prime udience, al à decidût une robe sole: rinviâ dut al 27 di Mai par podê sintî, in chê epoche, il parê di un espert (Riedo Pup, Il furlan al jentre in tribunâl)
