etât
e|tât
[FO]
-
s.f.
cuantitât di agns contâts tacant de nassite:
o jeri rivât ancje a dîs agns e, a chê etât, in chê volte, bisugnave scomençâ «a movi il poleâr, a viodi di ce bande che e ven», a disevin… (Pieri Menis, A scuele);
tal curtîl, platât intun cjanton, al è un armelinâr in flôr. Al à la etât de cjase, su la cincuantine, che a son anons, tratantsi di un armelinâr (Ivano Urli, Beput Cinisiti)
Var. jetât
-
s.f.
fase de vite umane:
ognidun di nô al pues cjapâsi cure di se, se al manten une vite ative in dutis lis etâts scomençant di fruts insù (Guglielmo Pitzalis, Metiti in moto!);
al à fîs in etât di scuele (Marc Stolf, Scuele vierte. Par dut, par ducj ma no pal furlan);
a une cierte etât [indevant cui agns], si à un fregul di pudôr dai propris sintiments, tant plui se si à pôre che a vegnin ridûts (Roberto Ongaro, Cretevierte);
al veve une etât dificilute, di passaç (Antoni Beline, Pre Pitin)
Sin. ete
-
s.f.
dade di timp che e forme une unitât dilunc de storie, caraterizade o di une cierte culture, dinamiche, dominazion, autoritât e v.i.:
il guvier augusteu de Italie nol tocjà chê sume di ampliis autonomiis citadinis che e rimontave ae etât republicane (Fabian Ros, La invenzion dal stât)
Sin. ete
, epoche
, ere1
, periodi
-
s.f.
[TS]
paletnol.
cuntune determinazion dongje, dade di timp caraterizade di une cierte fase de evoluzion de ativitât umane:
la dade di timp che e lee il Neolitic e la etât dal bronç, che si date plui o mancul tor la metât dal III mileni, si clame Eneolitic (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
Sin. ete
-
s.f.
[TS]
gjeol.
cuntune determinazion dongje, division di une epoche, che in stratigrafie e corispuint al plan:
a Nord dal Cuarnan al è il Clap dal Agnel, un spiç di cret di dolomie di etât noriche (plui di 200 milions di agns)
Sin. ete
Polirematichis e espressions idiomatichis
Proverbis:
- dulà che si passe la etât biele ogni piere a fevele
- la etât a fâs l'om
- la etât e costume ducj
- la malizie e cres cu la etât
