sium2
/-ù-/
sium
[FO]
-
s.m.
ogni complès di visions, sensazions e percezions che si pandin par vie de ativitât mentâl intant che si duar:
par dute la gnot al fasè siums imberdeâts e faturôs dulà che a comparivin simpri ancje Rita e Ricardo (Carlo Sgorlon, Prime di sere);
Sante Catarine e finive simpri tun biel sium: un sium di gjostris blancjis e lusintis e di corsis sui cjavaluts che a galopavin simpri e no costavin nuie (Riedo Pup, I furlans e Sante Catarine)
Sin. insium
Var. siump
, sun3
, sum
, siun
, suonic
-
s.m.
(fig.)
fantasie o robe imagjinade, in contrast cu la realtât:
al jere stât dut masse svelt, masse brut, masse tragjic […] a si domandavin se al jere vêr o se al jere un sium, metint a messet sium e realtât (Roberto Ongaro, Il muc)
-
s.m.
(iperb.)
fat reâl ma che al somee di fantasie:
no i impuartave dal avignî, e viveve tal sium dal presint un sium che fin a pôcs mês prin no varès olsât a sperâ (Roberto Ongaro, Il muc)
-
persone o cjosse di grant atrat o bielece:
i cjavei su lis spalis no ju vevi mai viodûts a slas, a son une onde. Un fregul di ombret sui voi, un lamp di colôr ros sui lavris. E je un sium (Alan Brusini, Gian Paolo Linda, I forescj)
Sin. maravee
, insium
, incjant1
, vision
-
s.m.
(fig.)
desideri profont e ambiziôs:
al cjareçave un sium: un sium che lu iluminave par un lamp, ma lu jemplave di rimuars, a penis imbastît. Ogni tant al pensave: "Cuant che no sarà plui mê mari, cuissà che no rivi a cjoli Line?" (Roberto Ongaro, Cretevierte);
al jere dome un sium, une grampe di ideis cence mani che a fasevin plui mâl che ben, parcè che a saressin deventadis realtât la setemane da lis trê joibis (Franca Mainardis, Il sium di Lissandri);
di chel sium di autonomie istituzionâl dal Friûl che al fo di Fausto Schiavi, di pre Checo Placerean e di tancj altris […] si è realizât pôc (Adrian Cescje, Tal non di Fausto Schiavi)
Polirematichis e espressions idiomatichis
Proverbis:
- i siums a son siums
- i siums de gnot, al dî di un grant poete, a son imagjins dal dì ladis in scuete