vision
/-òn/
vi|si|on
[FO]
-
s.f.
[TS]
fisiol.
percezion dal mont esterni cui stimui de radiazion luminose midiant dai voi
Sin. viste
-
s.f.
il viodi, il cjalâ alc, massime tun video:
intant gjoldêtsi almancul il prin episodi di SPAZIO 1999. Buine vision […]! (Checo Tam, Spazio 1999)
-
[TS]
cinem.
proiezion di une pelicule cinematografiche al public:
il film al è stât proietât a Cividât in prime vision li dal teatri Ristori ai 10 di Zenâr cuntun grant sucès di public (Fabian Ros, Ritornerò per Natale)
-
s.f.
il cjalâ, lei, consultâ, soredut par cirî informazions:
il difensôr civic al à dirit di acès (vision e copie) a ducj i ats aministratîfs (Aministrazion Publiche, Statût dal Comun di Udin)
-
s.f.
mût di intindi la realtât, di interpretâle, di vê prospetivis sul avignî:
[i partîts] a àn, si capìs, une «vision plui largje e plui nete» de situazion internazionâl e intercontinentâl di chest moment (Josef Marchet, Votazions regjonâls);
o volevin che e mudàs la vision politiche de int su la cuistion linguistiche (Adrian Cescje, Memoriis di politiche linguistiche);
[Cavedalis] al veve une vision plui tecniche che politiche de vuere (Giovanni Pillinini, Zuan Batiste Cavedalis - Une vite esemplâr)
Sin. cuadri
, figure
, imagjin
, interpretazion
, mût di viodi
, opinion
, parê2
, prospetive
, viodude
-
s.f.
robe che e ven viodude:
al jere blanc e terorizât pe vision di un cadavar (Checo Tam, Sense)
Sin. viste
-
robe viodude e che e reste te memorie:
la sô memorie e continuave a mostrâi la vision de oasi semenade di muarts e di muribonts (Carlo Sgorlon, Il dolfin)
-
robe che e ven imagjinade:
no savarès dî se al jere un sium o une di chês visions che a nassin cualchi volte, a colp (Dino Virgili, Il cîl sot aghe);
chês peraulis mataranis i vierzevin ta la anime di frut visions fantastichis (Alan Brusini, Par stradis lungjis)
-
s.f.
percezion di robis no reâls, che a partegnin al mont de fantasie o de estasi religjose:
daspò de vision di Damasc [sant Pauli] al à començât a predicjâ il Vanzeli (Franc Fari, Il cjâf dai furlans);
no sin tignûts a crodi ce che un altri cristian al à ricevût par vision (Pieri Piçul, Vieri e gnûf)
Sin. insium
, sium1