matetât
ma|te|tât
[AF]
-
s.f.
malatie mentâl o cundizion di jessi mat, di vê disturps mentâi, di resonâ o percepî la realtât in maniere anormâl:
il mût maniacâl di tignî dongje la memorie di Luzie lu puartave diret tal esauriment gnervôs e a un pas de matetât (Adriano Nascimbeni, Un brut dopodimisdì)
Sin. alienazion ipon.
, manie2 ipon.
, matece
, maturie
, rascje
, strabalç
-
atac di malatie mentâl o pierdite, ancje momentanie, de reson:
dopo trê dîs di matetât al jere tornât come prime (Carlo Sgorlon, Prime di sere)
-
irazionalitât, mancjance di sintiment:
chês storiis a son insom une uniche grande storie che e conte cemût che la matetât dal om e à sdrumât la dignitât de vite umane (Max Mauro, Buchenwald 1944)
-
s.f.
(fig., iperb.)
passion une vore fuarte:
a mi personalmentri che o ai la matetât di scrivi, plui di cualchidun al à vût dite tra di lôr che o ai il Diaul intormi (Alan Brusini, Un om dinigrât)
Sin. manie2
-
s.f.
resonament, discors o azion di mat, cence sintiment, cence nissune prudence e v.i.:
tai voi dut un disordin e un vuast gnûf, tant di fâ pensâ che, in chel cjâf, a varessin podût nassi matetâts pericolosis (Maria Forte, La tiere di Lansing);
cuatri zovins di chei che a son te ete des burianis e des matetâts (Josef Cjargnel, Il gjatat neri dai Fers)
Sin. assurditât
, matarade
, mateç
, svariament
, çavariament
-
resonament, discors o at stramp o ridicul:
cu lis sôs matetâts al faseve fâ simpri cualchi ridade di gust (Pieri Somede dai Marcs, La ultime baronade);
o crodevi che a fossin dome i americans a cjapâ il matrimoni par un zughet e a messedâlu cu lis lôr matetâts o cu lis lôr strambariis (Josef Marchet, Lis predicjis dal muini)
-
s.f.
(fig.)
robe che e je o che e somee impussibile:
il biel al è che lis matetâts che si viodin tai insiums si lis calcole come veris (Franc Fari, Il cjâf dai furlans);
ce che îr al podeve someâ une grande matetât […] al è deventât un "insium" possibil e condividût (Redazion La Patrie dal Friûl, Une puarte vierte tal cûr de Europe)
Sin. assurditât
, robe di mats
, bestialitât