alienazion /-òn/ a|lie|na|zi|on [CO, TS]
- s.f. dir. il passâ a altris la proprietât di un ben o la titularitât di un dirit: tal articul 10 a son stabilidis lis condizions pe alienazion ecezionâl di chescj bens (che a restin indisponibii) e la forme par un mudament eventuâl di destinazion (Luche Nazzi, Une leç pes tieris civichis)
- s.f. filos., sociol., psic. cun acezions che a puedin cambiâ daûr di diviers pensadôrs o teoriis, cundizion di sei o di deventâ estranis a se stes, di no vê o di pierdi cussience di se stes: al è di sperâ che ancje il timp dal distacâ [dai impegns di vore] nol deventi vuê une altre maniere di alienazion, une forme ulteriôr di intosseament spirituâl, psicologjic e fisic (Antoni Beline, Te colme des vacancis); intune clime là che une sole [lenghe e identitât] e ven presentade tant che superiôr o uniche e chês altris tant che inferiôrs e no desiderabilis si svilupe par fuarce une sindrome di alienazion e autoodi (Sandri Carrozzo, Notis di politiche linguistiche par un Friûl diferent)