Dizionari de Lenghe Furlane

manie²  /-ì-/  ma|ni|e  [AF]

1. s.f. [TS] psic. situazion morbose fate di grande ecitazion des capacitâts mentâls e morâls che cualchi volte e va parie cun manifestazions psicomotoriis violentis
2. s.f. tindince o volontât fanatiche:  ancje la storie de concuiste di un «posto al sole» e jere une bale: si tratave invezit de manie imperialiste di un esaltât (Riedo Pup, Soldât jo mame!)
   Sin. malatie , sbisie , ossession
   
   1. passion grande, ancje esagjerade:  la int e scomençave a vê la manie par chês antigaiis, e plui rusin e carûi si puartave in cjase, plui e jere contente (Carlo Sgorlon, Prime di sere)
      Sin. passion
   2. (ancje iron., ancje scherç.) mût di pensâ o di fâ fissât fin a jessi irazionâl e esagjerât:  a Vignesie, a àn la manie di meti lapidis su dutis lis cjasis e su ducj i palaçs par ilustrâ cheste o chê altre istorie (Arturo Feruglio, Viaç a Vignesie)
      Sin. passion , chê
   3. idee stranie:  une gnove amnistie? … ce maniis che àn… (Pieri Somede dai Marcs, Resurezion a Pontinie)