Dizionari de Lenghe Furlane

fontane  /-à-/  fon|ta|ne  [FO]

1. s.f. vene di aghe che e ven sù de tiere:  cuant che mi mandavin a cjoli aghe, mi disevin di cjoli di chê sot, plui frescje. La fontane e jere suntune culine lontane, di là di un palût (Pieri Menis, Il gno prin pâr di scarpis); [la aghe] a si zeva a tueila ta li fantani che a saltavin four sot i crets o drenti li claupi sfodradi di muscli (Novella Cantarutti, Scarpeti)
   Sin. avenâl , font³ , nassart , ole , risultive , risulture , sorzint , spissulon
   Var. fantane
   
   1. puest li che e jes la prime aghe dal flum di sot tiere o dal cret:  insom [di Preon] a son lis fontanis dal Arzin e une schirie di salts di aghe spetacolârs (Francesco Gobbo, Gjeologjie e paleontologjie ator di Preon)
      Sin. avenâl , nassart , ole , risultive , risulture , sorzint , spissulon
2. s.f. implant che al bute fûr aghe aurint dret di une vene o dal acuedot:  lis feminis a lavin e a vignivin de latarie, fermantsi un moment te fontane par resentâ i seglots (Carlo Sgorlon, Prime di sere); tal prin e jere stade amicizie di curtîi e di fontane dome fra lis feminis, po Doro si jere incjantât di jê e al veve cjapât puest tal so cûr (Maria Forte, L'aventari pal barcon)
   
   1. vascje ornamentâl in placis e zardins:  su la fontane di place Contarene (Guido Antonioli, Florean dal Palaç, I, 1)
3. s.f. fûc di artifici che al bute lusignis che a vegnin jù come la aghe di une fontane
4. s.f. (fig.) robe o persone che e prodûs alc, cause:  Rome imperiâl, parone dal mont, lusôr da la umanitât, fontane dal dirit, mari de civiltât (Josef Marchet, Cumò che o savìn…)
   Sin. cause , motîf , origjin , principi , font³

Proverbis:

• cui che al vûl aghe che al ledi a la fontane
• gjave e no met, la fontane a va a sec
• lagrime di femine, fontane di malizie
• maladete chê latoane che e va a la fontane