font3
/-ò-/
font
[FO]
-
s.f.
viôt fontane
:
un dragat vert, vignût cui sa dontri, si jere covât sul cei di chel riul e cul so flât impestât al intosseave la font (Josef Cjargnel, Il dragat dal Fontanon)
-
s.f.
origjin che e bute, e prodûs calôr, lûs, radiazions, energjie e v.i.:
il Soreli al è la font di energjie che e e fâs movi dute la "machine" atmosferiche (Stefano Micheletti, Marcellino Salvador, Notis di meteorologjie pal Friûl - Vignesie Julie);
un filtri polarizadôr metût di front a une font di lûs le sbasse come che al fâs un normâl filtri rifratôr (Marisa Michelini, Alberto Stefanel, La polarizazion de lûs)
-
s.f.
(fig.)
ce che al è cause, che al prodûs un risultât:
i oms a puedin slargjâ la lôr imagjinazion intal avignî plui sigûr, che e je la plui grande font di angosse e di dolôr emozionâl (Franc Fari, Neurosiencis dal dolôr);
sofrî, par un cristian, al finìs cul jessi une font di gracie (Francesc Placerean, Cuant che tal matrimoni al è l'amôr cristian, li al è verementri Diu)
Sin. cause
-
s.f.
[TS]
stor.
document di dulà che si gjavin informazions:
une font australiane che e ripuarte une sintesi dai «oms talians emigrâts in Australie tra il 1890 e il 1940» e e da di totâl pe imigrazion furlane di mil di lôr (750 dal Friûl culinâr e 250 de Basse) (Francesco Fait, La emigrazion in Australie dal Friûl - Vignesie Julie);
[il test dal Amaseu] al è stât tignût di font primarie par descrivi i acjadiments de Joibe Grasse (Carli Pup, Il Friûl de Joibe Grasse dal 1511)