origjin
/-rì-/
o|ri|gjin
[FO]
-
s.f.
il nassi, il scomençâ a esisti di alc, il moment o la situazion li che alc al scomence:
[il mecanisim] denominât endosimbiosi […] al spieghe une vore ben la origjin di mitocondris (sede de respirazion) e cloroplascj (sede de fotosintesi) (Angelo Vianello, La evoluzion su la tiere. Une storie di competizion e cooperazion);
Cividât, sede dal Ducât langobart e dal prin patriarcjât, al manten vie pai secui une sorte di primât tal dânus fûr i tescj des origjins (Cristina Cescutti, Leterature furlane)
Sin. nassite
, inizi
, principi
, scomençament
, nassince
, nassude
, gjenesi
, gjenerazion
Var. origjine
-
s.f.
ce o cui che al prodûs un efiet, une consecuence:
Tite al zirave dut suturno, scuasit cul rimuars di sei stât lui la origjin di chês zornadis di maluserie che si vivevin in cjase sô (Maria Forte, Cjase di Dalban);
a son ancje ciclons e anticiclons che a àn une origjin termiche, ven a stâi che a àn ce fâ cu la temperadure de superficie e dai strâts bas (Stefano Micheletti, Marcellino Salvador, Notis di meteorologjie pal Friûl - Vignesie Julie)
Sin. cause
, lidrîs
-
s.f.
famee, puest, situazion, cundizion, materie, categorie e v.i. di dulà che cdn. o alc al ven:
i paîs di origjin dai fondadôrs furlans [di Colonia Caroya] a jerin pal plui de zone di Glemone e de Contee di Gurize (Sandri Carrozzo, Un paîs furlan in Argjentine: Colonia Caroya);
une casse di noiâr di fin dal Votcent, vadì di origjin cjargnele, cualchi cuadri di un ciert valôr, un pâr di tapêts (Franca Mainardis, Il sium di Lissandri);
miôr doprâ pôc o nuie i gras saturs di origjin animâl tant che spongje, ardiel, saìn e pane (Guglielmo Pitzalis, Mangje san 3);
il tratament biologjic de aghe di fogne di origjin civîl o industriâl (Ilaria Cimarosti, Cristiano Roselli Della Rovere, Daniele Goi, Modei matematics par implants di depurazion: primis aplicazions in Friûl)
Sin. çocje
, riunde
, divignince
