patrie
/pà-/
pa|tri|e
[FO]
-
s.f.
tiere origjinarie di un popul o di une persone, che i restin leâts a nivel sentimentâl, identitari, culturâl e v.i.:
la «patrie» e je une cuistion di cûr e no di cerviel, di fede e no di reson (Josef Marchet, La man e la arme);
al è cussì […] che al è nassût il nestri Friûl: une Patrie no tant grande e nancje masse piçule, ma ce che al baste par che al vivi dentri, cence pierdisi, il nestri popul furlan (Josef Cjargnel, Il Friûl al è nassût cussì);
di cuant incà si puedial dividi lis patriis cuntune stangje! I confins a servissin par dividi lis aministrazions, ven a stâi i stâts, no lis patriis (Riedo Pup, I furlans e la patrie)
-
s.f.
(fig.)
lûc là che alc al è nassût, dulà che si dâi particolâr valôr, dulà che al pues prosperâ o di là che a vegnin prodots, modis e v.i.:
l'antifassisim, in cierts latent, in altris militant, al cjate un sbroc fûr cjase, intune tiere [la Argjentine] che in chê volte e je une "patrie di libertât" (Javier Grossutti, La emigrazion dal Friûl - Vignesie Julie in Argjentine e in Uruguay);
la Italie e je la patrie dal dirit. Ducj lu disin e cuasi ducj lu crodin. Un di chei che no lu crodevin al jere puar Tin Pretôr. Chel invezit al usave dî adiriture che la Italie, plui che la patrie dal dirit e je la patrie dal ledrôs (Riedo Pup, La none in cuço e Cutolo assolt)
Sin. scune
-
s.f.
cun iniz. maiusc., viôt Patrie dal Friûl
Polirematichis e espressions idiomatichis
Proverbis:
- amôr di patrie nol è brût di fasûi
- amôr di patrie nol è brût di verzis