nît nît [AF]
-
s.m.
costruzion fate dai uciei par clucî i ûfs, fâ nassi e tirâ sù i piçui:
'Sefut, ven cun nô che o vin cjatât un nît di parussats (Maria Forte, Chel svampît di 'Sefut);
mi rimpinavi sù pai arbui a cucâ intai nîts dai uciei (Gianni Gregoricchio, Trê feminis)
- struture o ripâr no dome di uciei ma di altris sortis di animâl: il sghirat al stave simpri taponât intal so nît cjalt e sigûr (Franca Mainardis, Un bosc cence colôrs); tal puartelumin [de tombe] a vevin fat il nît lis jespis (Franca Mainardis, Il sium di Lissandri)
-
s.m.
(fig.)
puest là che si è nassûts e cressûts o dulà che si sintisi a cjase:
tancj a gji scrivevin che orevin viodila e cognossila. Ma jê a lassava malvulintîr al so nît e stava via mancul che podeva (Ugo Pellis, Catinuta);
il paîs al jere cuasi in fieste: si maridave Regjinute; ancje jê finalmentri e veve cjatât di fâ il so nît, di vê un puest te vite dut par se (Pieri Somede dai Marcs, A jerin lagrimis)
Sin. cove - s.m. (fig.) puest dulà che si cjatin tantis personis di une cierte sorte, in gjenar cun conotazion negative: la Filologjiche, par esempli, che e jere un nît di talians, là che al jere cuasi proibît di fevelâ furlan, e à cambiât di cussì a cussì (Riedo Pup, Mizzau al bat Pitt un a zero)
- s.m. (fig.) puest dulà che plui robis a stan fissis dongjelaltris: i rivai in Cjanâl, siet cjasi tun nît (Novella Cantarutti, "Uta, Ututa improntiti")
- s.m. asîl par fruts che a àn fin a trê agns: a coventaressin robis tant che i nîts, la scuele a timp plen, une politiche dai redits che e ledi a incentivâ la famee e no a penalizâle (Walter Tomada, Femine e leader, un binomi inmò dificil)
- fâ l'ûf prin dal nît loc.v.
- domenie di ulîf ogni uciel al fâs il nît
- ogni uciel al cîr il so nît
- par ogni uciel il so nît al è biel
- Pasche di ulîf si jes fûr dal nît