bombe
/bò-/
bom|be
[FO]
-
s.f.
arme formade di un contignidôr o proietil cun dentri esplosîf e cuntun dispositîf che le fâs sclopâ:
butâ, tirâ, molâ, trai, fâ sclopâ une bombe;
tes cjasis si vaìve ancjemò i muarts, lis feridis a jerin ancjemò viertis, il fum dai fûcs e des bombis no si jere ancjemò sfantât tal cîl… (Pieri Menis, Sul agâr);
a Vignesie cualchidun al veve plaçât vie pe gnot une bombe denant dai uficis di un gjornâl, e un vuardian al jere muart (Agnul di Spere, Chê dì che al neveà a Vignesie);
une bombe e vâl plui di mil libris, plui di cent comizis, plui di dîs siopars, bombis al plastic, bombis molotov i vuelin, altri che fotis (Pieri Somede dai Marcs, Un pugn di moscjis);
la Ete Atomiche e ven screade in maniere distrutive cu la decision dal guvier dai Stâts Unîts de Americhe di finî la vuere cul Gjapon butant su Hiroshima e Nagasaki dôs bombis atomichis (Alessandro Pascolini, Un mont cence armis nucleârs. Sfidis sientifichis e tecnologjichis)
-
s.f.
(fig.)
robe che e fâs scjas, fat clamorôs:
a pene sclopade la bombe dal armistizi, i soldâts a àn butadis vie lis armis e bandonade la caserme, cirint di svuincâsi dai todescs (Pieri Menis, Sul agâr)
-
in funzion adi.inv.:
une rivelazion bombe
-
s.f.
(fig.)
situazion di tension:
une dì, prime che la frutate e partìs par lâ a vore in fabriche, e sclopà la bombe, al vignì fûr il marum, la bile e il velen. Anzule e veve lassât che sô mari e tontonàs un biel pieç, po e tacà jê (Pieri Menis, La maghe no fale);
fintremai che une dì e sclopà la bombe, e ce bombe! Ancjemò a buinore, di scûr, al tacà a sberghelâ che lu vevin ruvinât, che i vevin robâts i siei sudôrs (Pieri Menis, Il fi de Rosse)
-
s.f.
(fig.)
cui che al è provocant:
chê femine e je une bombe
-
s.f.
(fig.)
ce che al è une vore fuart di savôr, di grât alcolic e v.i.:
une salse cul pevaroncin che e je une bombe
-
s.f.
(fig.)
in zûcs, sports o sim., tîr o colp une vore fuart:
al tire une bombe su punizion, che e lasse De Sanctis incocalît ma e sbat su la travierse (Marc Stolf, Roma - Udinese 2-1)
-
s.f.
(fig.)
machine, moto e v.i. une vore svelte e potente:
come veture mi plâs di murî, tresinte cjavai, une bombe viôt (Maurizio Mattiuzza, Al prossim casting ti sielzin te)
-
s.f.
[CO, TS]
sport
doping, sostance improibide par fâ cressi la prestazion di un atlete
-
s.f.
[BF]
bausie, robe inventade:
nol è vêr nuie afat. Ma nuie, propit nuie! […] Une bombe ancje cheste. (Guido Antonioli, Florean dal Palaç, II, 21);
cuissà ce bombis che al conte (Anute Fabris, Trapulis)
Sin. bale
, bufule
, sflocje
-
s.f.
[BF]
cui che si jemple la bocje di retoriche:
ce bombe che al è chel om! (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. trombon