strambolot
/-òt/
stram|bo|lot
[CO]
-
s.m.
robe che si dîs e che no à sens, ancje fin al pont di fâ ridi, par vie che e je pronunziade mâl, parcè che no rispiete lis normis di une lenghe o parcè che no à logjiche o corispondence cu la realtât:
par fâsi viodi sapientone tantis voltis e da di chês talianadis che no us dîs… e a saltin fûr po di chei strambolots che Jesus Marie (Pieri Somede dai Marcs, Lassait che mi sbrochi!)
Sin. strambot
Var. strambalot
-
robe strambe che e ven contade di pueste par fâ ridi:
no i mancjave nancje il strambolot saurît e gras e alore lis feminis a ridevin ancje se su la muse ur lave sù il ros (Maria Forte, Il bal spisimât des ombrenis)
-
s.m.
azion strambe, fat stramp:
"Ti prei, Meni, no stâ fâ strambolots, ti prei […]" (Dolfo Zorzut, Se la prime mi cjoleve)
Sin. strambarie
, strambade
