pavee
/-vè-/
pa|ve|e
[AF]
-
s.f.
[AF, TS]
entom.com.
non comun dai insets dal ordin dai Lepidotars, caraterizâts in gjenar di alis grandis e coloradis:
là sul racli la ciale / intal cjant e fâs furôrs; / la pavee vistude in gale / va cjalant a bussâ i flôrs (Pieri Çorut, Il Strolic furlan par l'an 1827);
Milie e taseve, come distrate, cjalant une pavee che e faseve la mate ator de lampadine (Pieri Menis, Si disarès che e je inventade)
-
s.f.
(fig.)
persone, massime femine, di tante gracie, lizere e elegante:
"Vêso viudût Rose [a balâ] cun 'Sef?" "Ise mo une pavee chê là?" (Dolfo Zorzut, La furlane)
-
s.f.
(fig.)
sorte di golarine a floc:
Rosute e ingropà la pavee tor il cuel di Guri (Dino Virgili, La aghe da pît la cleve);
a jerin in compagnie di un siôr cu la pavee tal golet de cjamese, i guants e la baguline (Alan Brusini, Par stradis lungjis)
Sin. paveute
-
s.f.
tal pl., forme di paste di mangjâ, fate di un retangul di paste, in gjenar cui ôrs zigzetâts, strent tal mieç
-
s.f., adi.inv.
[TS]
sport
tecniche di nadâ che si somee cun chê a dolfin pal moviment dai braçs e cun chê a crot pal moviment des gjambis