Dizionari de Lenghe Furlane

lasagne  /-sà-/  la|sa|gne  [CO, TS]

1. s.f. gastr. paste di mangjâ in forme di strichis finis e lungjis, largjis come i taiadei o plui dai taiadei, e pitance fate cun chê paste:  lis lasagnis tal ont e son gustosis une vorone (Arturo Feruglio, I stivâi di Zuan Batiste); [tal brût de domenie] i metevin dentri simpri, fidelins, stelutis, galutis o ancje lasagnis (Bepi Zampar, Canais di taviele)
   
   1. paste in forme di retangui ben larcs e pitance fate cun chê paste
   2. ancje paste di mangjâ in gjenerâl:  forment par fâ farine da lasagnis (Giuseppe Ferdinando del Torre, Il contadinel. Lunari par l'an 1875)
2. s.f. (fig.) robe lungje, che e dure tant, che e stufe:  no pues plui vivi. / Ze lasagne! Isel lunc di parturî (Tite di Sandri, Zuiant di briscule); na lamia lungja tragjicomedia / lasagna simpri compagna (Ugo Pellis, Pan)
3. s.f. (fig.) robe contade che e je false, bausie
   Sin. bale , bufule , buride , buridon , falsetât , fanferie , bagule , flandrine , flabe , flandogne , fote , implant , invenzion , fandonie , luianie , naine , sbarade , sflandocje , sflandogne , sflocje , stoc² , strambolot , trombonade , bausie¹ , balote

Proverbis:

• cjacaris no fasin lasagnis