Dizionari de Lenghe Furlane

dâ la anime al diaul    [CO]

1. loc.v. (ancje fig.) fâ un pat cul diaul, prometintji la anime dopo muart in cambi di alc in cheste vite, o fâ cualsisei tristerie par rivâ a un risultât:  si lassà scjampâ chestis peraulis: "Oh, biâts i siôrs! Par deventâ siôr, o darès la anime al diaul! " Ce nol è, denant di lui si formà un nulisut zalit che al puçave di solfar e, di chel, al saltà fûr il diaul (Roberto Ongaro, Cretevierte)
   Sin. vendi la anime al diaul
2. loc.v. (fig.) sfuarçâsi plui che si pues, fâ cualsisei sacrifici:  Done Pine e jere une testarde come i bûs cjargnei e Carlin, il so beniamin, chel che par lui e varès dade la anime al diaul, al jere come jê, tâl e cuâl (Pieri Menis, Chei di Muraie)
   Sin. dâ la anime

Components:

• anime s.f.
• dâ v.tr., v.intr.
• diaul s.m., adi.