Dizionari de Lenghe Furlane

vê gust    [AF]

1. loc.v. jessi content di alc:  e ducj mi àn svergonzât, àn fat bacan, / come se vessin gust del mio malan (Pieri Çorut, Pronostic del Strolic piçul par l'an 1866); "O ai ca dôs siespis… e un cudumar… Us plasino, Mie? "Orpo, se mi plasin." "Ben, o ai gust, jo… Cioleitlis" (Francesco Coletti, Romeo Battistig, Arturo Bosetti, La massarie dal plevan); «O ai gust di vioditi» e disè. «Cemût sêstu capitât chenti jù?» «O soi vignût a cjatâti». «Tu âs fat ben […]» (Carlo Sgorlon, Prime di sere)
   Sin. vê plasê , vê a plasê
2. loc.v. volê, desiderâ:  o varessin gust di savê se i nestris letôrs furlans si tignaressin in bon di jessi judicâts in chescj tiarmins (Josef Marchet, Sflacjons e insolents); la siore e le fûr e co tornà jê e varès vût gust di domandâi se e veve savût alc di gnûf, ma no olsà viarzi bocje (Jolanda Mazzon, Di là de rêt)
   Sin. volê¹ , bramâ , desiderâ

Components:

• gust s.m.
• vê v.tr., v.aus.

Proverbis:

• ducj à gust di viodi mats in place ma no dai siei
• i fruts a àn gust di dî: pari gno bon e no pari gno biel