bramâ
bra|mâ
[AF]
-
v.tr.
desiderâ une vore:
i volevi doma durmî, bramavi doma di durmî! (Stiefin Morat, Donald dal Tiliment);
no podevi smolâmi, o pensavi a Otti, o bramavi nome jê (Alan Brusini, Gian Paolo Linda, I forescj);
se tu âs la morose, il cuarp al brame di bussâle e di striçâle ancjemò plui dal pinsîr (Cristina Noacco, Faliscjis)
Sin. desiderâ
, golosâ
, lutâ
, volê1
-
v.tr.
vê e manifestâ a cdn. la voie o la sperance che i capiti une cierte fortune, buine o triste:
al ven voie dome di preâ il Signôr par lui, che je mandi buine e che i tegni la man sul cjâf. Come che o podìn bramâ ancje a pre Valantin di Flap (Josef Marchet, Lis predicjis dal muini);
us brami che chei cinccent francs che o piert si convertissin in cinccent oris di agonie parom in pont di muart… (Pieri Somede dai Marcs, Par la firme di un contrat)
Sin. dâ
-
indreçâ a cdn. un ciert auguri, bon o trist:
ai gjenerâi e a chei che a guviernavin ur bramave dutis lis maledizions che e cognosseve (Gianni Gregoricchio, Trê feminis);
[nus dan ordin di] stâ intanâts ator la taule in spiete dal comandant dal lager risolût a bramânus il bon Nadâl (Pieri Somede dai Marcs, Par la firme di un contrat)
-
v.tr.
(ancje ass.)
dî cun fuarce une invocazion o imprecazion:
nol fâs che bramâ ogni moment (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Proverbis:
- al è mâl cuant che si scuen bramâ la tampieste
- il vuarp al brame la lûs, l'uciel la libertât
- ogni vuarp al brame la sô lûs
- si crôt simpri ce che si brame