mode
/-ò-/
mo|de
[FO]
-
s.f.
mût di fâ alc, di compuartâsi:
un le pensave tune mode e un in chê altre (Antoni Beline, Pre Pitin);
al veva na moda secja e sigura paron Ludin da distrigâ li robi (Novella Cantarutti, Paron Salvadi)
Sin. mût
, maniere
-
s.f.
compuartament gjenerâl che al caraterize il mût di vivi intun ciert moment storic o intune cierte comunitât:
la mode agns sessante;
ancje la musiche e va secont lis modis: cuant che si tache a scoltâ un gjenar di musiche, ducj i van daûr (AAVV, Sul florî);
une piture che e rivolte il stomi e che e fâs ridi, salacor ancje cjariade a pueste, par vie de mode neorealiste o par altris esigjencis artistichis (Josef Marchet, Sul ôr de buse…)
Sin. voghe
-
s.f.
gust che al influìs su la maniere di vistîsi, fâsi i cjavei e v.i.:
i discors che a fasevin fra di lôr a jerin chei des fantacinis di citât: la ultime mode, lis vetrinis di Marcjât Vieri, il bal, i fantats (Roberto Ongaro, Cretevierte)
Sin. voghe
-
s.f.
setôr de industrie e dal cumierç dai vistîts, soredut intai components plui gnûfs:
la Lombardie, e massime Milan, e je viodude dome tant che capitâl de industrie, de mode, de comunicazion (Dree Venier, Fabio Pizzul: Un furlan il prin… a Milan)
-
complès dai prodots fats di cheste industrie:
e jere usade a frecuentâ lis buteghis di mode (Checo Tam, La sente di piere)
Polirematichis e espressions idiomatichis
Proverbis:
- la mode e je chê che e plâs
- la mode e la fortune a durin tant che la lune