inovâl
i|no|vâl
[CO]
-
s.m.
zornade che tal an e je chê stesse di un fat impuartant sucedût agns prime:
ad ogni inovâl, une figure lungje e nere di femine cul sial su lis spalis fin tor il cjâf e montave sul rivâl alt e si fermave a cjalâ a lunc il gorc e po cu la man blancje e patide e butave jù ta la aghe rosis e rosis (Dino Virgili, La aghe da pît la cleve);
il centesim inovâl de declarazion di vuere e po de jentrade in vuere dal Ream di Italie tal 1915 (Marc Stolf, La domande e je simpri chê. Soredut par vuê)
Sin. aniversari