delicatece
/-tè-/
de|li|ca|te|ce
[CO]
-
s.f.
il jessi fin, elegant:
ae delicatece dal profîl de muse, a pene sfilât, i fâs cuintri la materialitât poderose dal sen discrotât e la curve feconde dai flancs (Angelo Floramo, Storiis che a nassin di bleons e di maiis. Puartis viertis sui siums)
Sin. finece
, elegance
-
s.f.
il jessi sensibil:
cjalait ce tante delicatece inte liriche dediade ae mari muarte (Laurin Zuan Nardin, Memoreant Tavan)
Sin. finece
, sensibilitât
-
s.f.
atenzion tal tocjâ, tal lavorâ, tal tratâ:
chel fagot lunc involuçât tun sial che e puartave sui braçs cun delicatece come che e fos une relicuie (Pieri Somede dai Marcs, Anzule);
cjapâlis sù [lis rosis] lontan di stradis incuinadis, tratâlis cun grande delicatece, resentâlis te aghe frede e suiâlis cence strucâ (Margherita Timeus, Lis rosis tal plat)
Sin. prudence
, rivuart1
, atenzion
-
s.f.
at, compuartament, maniere di fâ che al mostre sensibilitât, creance, prudence e v.i.:
vicinantsi a lui e doprant dute la gracie e la delicatece i disè: «Lu sai Toni, lu sai. Ma no stâ rabiâti […]» (Tarcisio Venuti, La cjase di Toni);
no rivavi a sopuartâlu, che o prossumavi, daûr di dute chê delicatece, un sintiment di dûl par me (Gianni Gregoricchio, Trê feminis);
o feveli sclet come che al va fevelât cun int di piel dure, che no capìs delicatecis (Josef Marchet, Lis predicjis dal muini)
Sin. rivuart1
-
s.f.
il jessi vulnerabil o ancje pericolôs, riscjôs:
al baste chest dât par capî la delicatece de situazion (Renzo Balzan, Puarte dal gas rus)
Sin. criticitât
-
s.f.
robe di mangjâ une vore fine:
si gjolt la delicatece [il persut di Sant Denêl] taiade cul curtìs o cu la storiche taiadore rosse a manuele Berkel (Floriana Bulfon, Il viaç dal "Sant Denêl")
Sin. delizie
, lechet