Dizionari de Lenghe Furlane

gracie a Diu    [CO]

1. loc.av., loc.inter. formule che si dîs dongje de declarazion di alc positîf, par dâi merit a Diu e, in mût implicit, domandâi che lis robis a ledin ben ancje in avignî:  "Lis cjossis di cjase a cjapin une brute plee…" "Preocupazions a 'nd àn vudis ducj tal mont… Al torne soreli dopo la ploe… Ti tornaran ancje a ti i biei timps!" "No si trate dai afârs che, grassie a Diu, a van benon; ma di Clare… nestre fie…" (Pieri Piçul, Vieri e gnûf); le bataie e jere finide gracie a Diu e dut il mont al pareve cuietât (Pieri Menis, Funerâl a Pâl Piçul)
   Sin. graciant Idiu , graciant il Signôr , graciant Diu

Components:

• diu s.m.
• gracie s.f., inter., s.m.