Dizionari de Lenghe Furlane

diu  /-ì-/  di|u  [FO]

1. s.m. ent sorenaturâl e sovran in plui religjons:  une imagjin di Wotan, il grant diu gjermanic (Checo Tam, La maree nere); il diu plui venerât tal antîc Friûl al jere propit il solâr Belen (Sandri Carrozzo, Il miluç de magne)
   Sin. deitât , divinitât
   Var. gjo¹ , deu , dio
2. s.m. spec. cun iniz. maiusc., ent sovran de religjon cristiane, creadôr dal mont e caraterizât di amôr infinît:  par un cristian che al crôt, invezit, la nature e je creature di Diu (Francesc Placerean, La Pasche); la vere ricjece de nestre religjon no sta intun sisteme di leçs plui altis o perfezionadis, ma tal fat che Diu si è sbassât fin chi di nô (Antoni Beline, Sant Jacum, là che al finìs il mont)
   Sin. creatôr , dominediu , gjo , idiu , signôr , pari eterni , dominigjò , deu
   
   1. entitât sovrane de religjon ebraiche:  un om just e religjôs, Tobie, si voltave ogni dì viers di Jerusalem, a sfogâ la sô anime cul Diu dai siei paris (Antoni Beline, Sant Jacum, là che al finìs il mont); un manichin grandonon che al si moveve cun fature te strete stanzie ma che, chel istès, al jere la prove clare de potence, de sapience e, adiriture, de intimitât di Rabbi Löw cun Diu (Sandri Di Suald, Conte di peraulis muartis)
      Sin. Javè
   2. ancje inter. e ancje cun iniz. minusc., in espressions di auguri, desideri, rabie, pôre e v.i.:  «Che Diu e la Madone lu volessin» al suspirave il Bisson (Alan Brusini, Come tai romançs); salvaitle, salvaitle, o Diu la mê frute. Madunute benedete, salvaitle! (Dolfo Zorzut, No je plui vive); mê mari? Pal amôr di Diu! Se tu savessis ce stamp che e je mê mari! (Carlo Sgorlon, Ombris tal infinît); se e je cussì, che Diu tal merti, Mario (Roberto Ongaro, Cretevierte); che Diu us vebi in glorie! (Josef Cjargnel, La fogolade dal bosc); ah, la scosse! Ahhhhhhhhhhhhhhhh i fîi scuvierts ce dolôr ce dolôr! Diu ce mâl! (Checo Tam, Sense); se doma alieir, par Diu, i sin stâts visâts che i Turcs a erin tal Gurissian! (Pier Paolo Pasolini, I Turcs tal Friûl); che il folc ti puarti, Diu mal perdoni! (Josef Marchet, Lis predicjis dal muini)
3. s.m. robe o persone che si dai une vore di impuartance, che si adore:  la int si met tes mans dai media e dal diu television (Mojra Bearzot, Bande Tzingare Heretica); e, vergogne primarie, la venerazion dal "diu bêç" (Angelo Floramo, La Cavoce di Lutar)

Polirematichis e espressions idiomatichis

• a fortune di Diu loc.av., loc.inter.
• a glorie di Diu loc.av., loc.inter.
• a la buine di Diu loc.av., loc.adi.inv.
• a la part di Diu loc.inter.
• ae buine di Diu loc.av., loc.adi.inv.
• benedet di Diu loc.s.m.
• can da Diu loc.inter., loc.s.m.
• cence Diu loc.adi.inv., loc.av., loc.s.m.inv.
• che Diu le mande loc.av.
• che Diu nus judi loc.adi.inv.
• che Diu nus vuardi loc.adi.inv.
• cun Diu loc.inter., loc.av.
• da part di Diu loc.inter.
• graciant Diu loc.av., loc.inter.
• gracie a Diu loc.av., loc.inter.
• gracie di Diu loc.s.f.
• ire di Diu loc.s.f.
• lâ di Diu loc.v.
• mandâ cun Diu loc.v.
• se Diu al vûl loc.av., loc.inter.
• se Diu vûl loc.av., loc.inter.

Proverbis:

• a cui che al crôt, diu al proviôt
• a dî la veretât si laude diu
• a fâ ben par fuarce, si ofint diu
• al devente ce che Diu al vûl e no ce che il diaul al pense
• al è miôr jessi in disgracie di Diu che no de justizie
• bisugne temê Diu par amôr e no amâlu par timôr
• content Diu, ancje la Madone e je contente
• cuant che Diu al vûl cussì, nol è nuie di masse
• cuant che Diu nol vûl, i sants no puedin
• cuant che no si rive a dî: "glorie di Diu!" al è finît dut
• cui che al servìs Diu al à un bon paron
• cui che al sta cun Diu nol perìs
• cui che al sta cun Diu, Diu al sta cun lui
• cui che si jude ancje Diu lu jude
• de man di Diu no si scjampe
• Diu al è chel che al à fat ancje il mani des cjariesiis
• Diu al è onipotent
• Diu al è un bon infant, al viôt e nol pant, al paie ducj e no si sa cuant
• Diu al lasse fâ
• Diu al mande il frêt daûr dal tabâr
• Diu al po dut
• Diu al rive pardut
• Diu al sa ben parcè che no ur à fat i dincj ai crots
• Diu al tocje i siei
• Diu al viôt e al proviôt
• Diu de int nol vûl jessi adorât corint
• Diu ju fâs po il diaul ju compagne
• Diu ju fâs po ju compagne
• Diu mieze zornade le passe a fâlis, e chê altre mieze a dâlis
• Diu nus vuardi dai scalçs di piore e des scuarnassadis di cai
• Diu nus vuardi dal sut tra lis dôs madonis
• Diu nus vuardi des scuarnassadis di cai
• Diu nus vuardi di piês che mâl a 'nd è avonde
• Diu nus vuardi di un bon Zenâr par podê jemplâ il granâr
• Diu nus vuardi simpri dal sut
• Diu sôl nol à difiet
• i misteris di Diu, i segrets dai sovrans e la malizie dai vilans nissun nol è rivât ancjemò a rivelâ
• il flôr tal cjamp, lu jude ogni sant; l'om tal mont, Diu lu jude ogni tant
• l'om al propon e Diu al dispon
• no cole une fuee cence il permès di Diu
• nome che diu al è perfet
• o ducj di diu o ducj dal diaul
• ognidun par se e Diu par ducj
• ognidun sa di se e Diu sa di ducj
• se Diu al vûl, bisugne rispietâ la sô sante man
• se Diu nol vûl, no si môf une fuee di pôl
• sore sâl nol è savôr, sore diu nol è signôr
• sta cun Diu che la Madone e je contente
• tu fâs ce che tu puedis e lassii a Diu cure dal rest
• vôs di popul, vôs di Diu