gjo1
/-ò/
gjo
[AF]
-
s.m.
inte religjon e inte mitologjie classiche, entitât superiôr, imortâl, in cualchi câs creadore, che e domine l'univiers o une sô part:
Musa dimi ti prei, par cuâl delit / la Regjina dei Gjôs aie ulût / assalî cun tancj mâi chest om invit (Zuan Josef Busiç, La Eneide di Virgjili);
al jere l'eroi, che al veve vût il complasiment e il favôr dai gjôs (Adrian Cescje, Viaç aes origjins dal Logos)
Sin. diu
Var. dio
-
spec. cu la iniz. maiusc., divinitât supreme de religjon cristiane:
ma vuei sperâ inte bontât di Gjo (Ermes di Colorêt, I, 60);
"Cul jutori di Gjo o vuei tignî dûr, ma no stoi plui te piel…" (Pieri Piçul, Vieri e gnûf)
-
inter.
par riclamâ la atenzion, par dâ enfasi, par pandi maravee, rassegnazion o une cualchi emozion, ancje intercalant tal mieç di un discors riferît:
robis, gjo, di chês di fâ vierzi i voi ai farcs (Luigi Gortani, Il Deu di Cjargne);
"Vait a durmî, done mari. Vait a durmî, gjo!" (Dino Virgili, La aghe da pît la cleve);
"Gjo, gjo… intindìnsi ben; prime di fâ ce che al è stât fat, jo e Pre Vitorio o vin pensât e strapensât […]" (Costantino Smaniotto, Co l'amôr al cimie);
"Bon", gjo, tra di me, "lin a gustâ, fermìnsi un amen a polsâ, va" (AAVV, Sul florî);
"Orpo" gjo, "viôt che ti fâs mâl, Gjovanin, fumâ chê sorte di porcarie!" (Ivano Urli, Il conducente)
Sin. di3
, jei
, cjo
, po
, ve1
Polirematichis e espressions idiomatichis
