Dizionari de Lenghe Furlane

cun Diu    [BF]

1. loc.inter. formule di salût doprade cuant che si lassisi:  "Cun Diu, buine int". Al si cjape sù, e vie viers Glemone (Luigi Gortani, Sant Martin)
2. loc.av. daûr des regulis de religjon e in graciis de misericordie o dal jutori di Diu:  podaran fâsi cun Diu ancje lôr il lôr nît… (Pieri Somede dai Marcs, Resurezion a Pontinie)
   
   1. (enf.) ancje par riclamâ e rimarcâ la autoritât, la protezion, la garanzie di Diu:  "Sù, sù disêt cun Diu, vêso pôre di ce?" (Pieri Somede dai Marcs, Lis nestris rosis)
3. loc.av. in paradîs o in ogni câs ta chel altri mont, muart:  dôs oris dopo il vecjo Toni al jere cun Diu, e la muinie i sierà i voi (Pieri Menis, Il testament)

Components:

• diu s.m.