Dizionari de Lenghe Furlane

passâ in rassegne    [CO, TS]

1. loc.v. milit. passâ devant e cjalâ cun atenzion un repart militâr disponût in schirie o un altri grup sot de autoritât militâr, o in gjenerâl ancje un cualsisei trop di personis, o di bestiis, o di altris elements:  "Co o passavi in rassegne lis mês trupis, salacor nome i prins a mi viodevin. Obleâts a cjalâ denant, la sclope, a viodevin nome il gno cjaval che al passave" (Sandri Di Suald, Conte curte); Turo al passà in rassegne lis bestiis come un gjenerâl la sô trupe (Gjigji Mestron, Balis)
   Sin. passâ in riviste
2. loc.v. cjapâ in esam cun atenzion une realtât e i siei elements:  o vin passât in rassegne ducj i lavôrs che a àn studiât lis struturis dal cerviel che si ativin o disativin in personis normâls che a stan fasint la meditazion (Franc Fari, Neurosiencis de meditazion)
   Sin. passâ in riviste

Components:

• passâ v.intr., v.tr.
• rassegne s.f.